АТР-дегі алғашқы жеңіс: Бублик финалда Зверевті ұтты

Қазақстанның үздік теннисшісі АТР-250 аясында Монпельеде (Франция) өткен турнирде топ жарды, деп хабарлайды «Қазақ спорты». 

Александр Бублик финалда неміс Александр Зверевті 6:4, 6:3 есебімен ұтты.

Кездесу 1 сағат 16 минутқа созылды.

Осылайша өзара екі матчта да Бубликтің жолы болды — 2:0. Былтыр теннисшіміз Зверевті Роттердамдағы турнирде ұтқан.

24 жастағы Бублик үшін бұл айтулы жеңіс. Бұған дейін ол төрт рет финалда ойнаған. Бұл жолы бабы мен бағы қатар келіп, талай мықтыны мойындатты. Естеріңізде болса, Монпельеде ол әлемнің 19-шы, турнирдің екінші ракеткасы болған испаниялық Роберто Баутиста-Агутаны да жарыс жолынан шығарған.

Сурет: ҚТФ баспасөз қызметі