Бокс
Бекзат Нұрдәулетов кәсіпқой бокстағы алғашқы белбеуіне ие болды
Кәсіпқой боксқа түбегейлі ауысқан Бекзат Нұрдәулетов (3-0, 1 КО) алғашқы белбеуіне қол жеткізді, деп хабарлайды Qazaqsporty.kz тілшісі.
Жартылай ауыр салмақта бокстасатын отандасымыз титулдық жекпе-жек үшін Ақтау қаласында кездесу өткізді. Бекзаттың бұл жолғы қарсыласы Нидерландыдан келген Чико Куаси (5-0-1, 2 КО) болды. 10 раундқа жоспарланған жекпе-жек тоғызыншы раундта аяқталды. Куасси жарақат алып, кездесуді әріқарай жалғастыра алмады.
Сөйтіп, Бекзат WBO тұжырымы бойынша «жасөспірімдерге» арналған ваканттық белбеуге қол жеткізді.
Осылайша, Нұрдіулетов кәсіпқой бокстағы төртінші жекпе-жегін жеңіспен аяқтады.
23 жастағы қазақстандық боксшы 2019 жылы әуесқойлар арасында әлем чемпионы атанған.
