Пухкало Олимпиада ойындарында 32-орынға тұрақтады

Қазақстандық шаңғышы Виталий Пухкало Бейжіңдегі скиатлоншылар бәсекесін аяқтады.  Жерлесіміз 70 спортшының ішінен 32-орын алды.

Olympic.kz сайтына берген сұхбатында спортшымыз нәтижесі туралы былай дейді:

«Жарыс жолы расында қиын. Қардың құрылымы толығымен сырғанауға мүмкіндік бермейді. Соның салдарынан шаңғы да ауыр қозғалады. Жүгіру қиын болды, десе де, барымды салдым. Әрі қарай жақсы болады деп үміттенемін. Бастысы, мәреге жеттім. Өзім үшін нәтиже жаман емес. Қарсыластар өте мықты. Бұл Олимпиада, сондықтан бәрі де мықты».

Фото: Владислав Семенов, Қазақстан ҰОК