Нұрәлі Әліп тағы да гол соқты (видео)
Ресейдің "Зенит" командасында қаралымда жүрген Қазақстан құрамасының қорғаушысы Нұрәлі Әліп мергендік танытты.
Ресей чемпионы Atlantic Cup турнирінде Данияның «Брондбю» клубын жеңді. Бұл матчта «Зенит» жеңіліп жатқан. Дегенмен кездесу соңына қарай, «Зенит» таразы басын өздеріне қарай аудара алды. Алдымен, 77-минутта Нұрәлі Әліп әріптесі Андрей Мостовоймен пас алып, сол аяғымен жойқын соққы жұмсап, таразы басын теңестірді. Кейін Артем Дзюба жеңіс голын соқты.
«Зенит» (Санкт-Петербург, Ресей) – «Брондбю» (Брённбю, Дания) – 2:1
Голдар: Нұрәлі Әліп, 77. Артем Дзюба, 79 – Марко Дивкович, 53.
«Зенит»: Михаил Кержаков. Даниил Круговой, Нұрәлі Әліп, Дмитрий Чистяков, Арсен Адамов,Магомед Оздоев, Александр Ерохин, Андрей Мостовой, Алексей Сутормин – Юри Альберто, Артем Дзюба;
Бұған дейін Данияның тағы бір командасы «Мидтьюлландпен» матчта да Нұрәлі мергендік танытқан.
