Саркулова — қола жүлдегер

Түркияның Аланья қаласында маунтинбайктан » INCEKUM MTB CUP» халықаралық турнирі өтіп, онда қазақстандық Алина Саркулова қола медаль жеңіп алды.

Жыл сайын өтетін дәстүрлі жарыста бес мемлекеттің спортшылары бас қосты. Бас жүлдені ресейлік Виктория Кирсанова иеленді. Ол 1,3 шақырымды 20,04 минутта бағындырды. Алинаның уақыт көрсеткіші — 21:03 минут.

Өкінішке қарай, жігіттер жағына жүлде бұйырмады. Шәкір Әділов 11-орынға табан тіресе, Денис Сергиенко мәрені 12-ші болып кесті. Темірлан Мұхамедиянов 18-орынға тұрақтаса, Дамир Тұрсынғали — 26-орында. Алтынбек Аханов пен Егор Карасев тиісінше 31-ші және 33-орындарда. Жарысқа барлығы 37 спортшы қатысты.