Жансель күміс жүлдеге ие болды

Түркияның Анталья қаласында таеквондодан «Turkish open-2022» Халықаралық турнирі өтіп жатыр. Әзірге қазақстандық спортшылардың еншісінде бір күміс медаль бар.

Қыздар арасындағы бәсекеде 73 келі салмақта өнер көрсеткен Жансель Дениз күміс жүлдеге ие болды. Атыраулық бойжеткен алғашқы екі жекпе-жегінде түрік қыздарын ұтып, финалға жолдама алған-ды. Алайда, шешуші сайыста екі дүркін жазғы Азия ойындарының жеңімпазы, 2019 жылғы әлем чемпионы, Олимпиада ойындарының күміс жүлдегері, оңтүстіккореялық Дабин Лиден 10:19 есебімен ұтылып қалды.