Күрес
«Яшар Догу» турнирі: Мейіржан Шермаханбет алғашқы айқаста жерлесін ұтты
Түркияда күрес түрлерінен рейтингілік «Яшар Догу» бәсекесі өтіп жатыр. Турнирге қазақстандық балуандар да қатысуда.
Бүгін грек-рим күресінің өкілдері кілемге шығуда.
ҚР ҰОК мәліметінше, 63 келіде белдескен Айдос Сұлтанғали ширек финалда түркиялық қарсыласына 1:5 есебімен жол беріп, жеңіліс тапты.
67 келі салмақ дәрежесінде қазақстандықтар Мейіржан Шермаханбет пен Данияр Қаленов белдескен болатын. Тартысты кездесуде тәжірибелі Мейіржан Шермаханбет жеңіске жетіп, жартылай финалға өтті.
Сондай-ақ 130 келіге дейінгі салмақта күрескен Антон Савенко бірнеше дүркін әлем чемпионы, түркиялық Риза Каялпқа есе жіберді.
