Теннис
Әлемдік рейтинг: теннистен Қазақстан құрамасы үздік ондықта
Қазақстан ұлттық құрамасы Халықаралық теннис федерациясы (ITF) Дэвис кубогы рейтингіндегі көрсеткішін жақсартты, деп хабарлайды ҚТФ баспасөз қызметі.
Ұлттық құрама 13-орыннан 9-сатыға көтерілді. Осылайша Қазақстан құрамасы үздік ондыққа кірді. Бұған Дэвис кубогы іріктеу кезеңінде Норвегия құрамасын жеңуі себеп. Сөйтіп әлем чемпионатының финалдық кезеңіне жолдама алған еді.
Дэвис кубогының финалдық кезеңі биыл қыркүйек айында, плей-офф бәсекелері қарашада өтеді. Финал мен плей-офф ойындары болатын қалалар наурыздың аяғы не сәуірдің басында анықталады.
