Аян Бейсенбаев — дуатлоннан Азия чемпионатының жеңімпазы

Бахрейн астанасында дуатлоннан өткен құрлық додасына Австралия, Бахрейн, Иордания, Қазақстан, Нидерланд, БАӘ және Филиппин спортшылары қатысты, деп хабарлайды Olympic.kz.

Қазақстан атынан Аян Бейсенбаев, Мейірлан Ысқақов және Темірлан Теміров бақ сынаған болатын. Қатысушылар 10 шақырымға жүгіруден, 40 шақырымға велосипедпен жарысу және тағы 5 шақырымға жүгіруден өзара мықтыларды анықтады. 

Ерлер арасындағы бәсекеде ақмолалық Аян Бейсенбаев жеңіске жетіп, алтын медаль иеленді. Екінші орында австралиялы Самуель Майлхэм, үшінші сатыда нидерландтық Томас Кремерс. 

Айта кетелік, Темірлан Теміров 8-орынға, Мейірлан Ысқақов 10-орынға табан тіреген. ⠀