Азия кубогы: садақ атудан Қазақстан құрамасы финалға жолда алды

Бұл күндері Пхукетте садақ атудан Азия кубогы өтіп жатыр. Қазақстан ерлер құрама командасы классикалық садақ түрінен командалық жарыстың финалына шықты, деп хабарлайды ҚР ҰОК баспасөз қызметі.

Отандастарымыз финалда Үндістан құрамасымен кездеседі.

Қазақстан құрамасы сапынан Ильфат Абдуллин, Санжар Мұсаев және Дәулеткелді Жаңбырбай бақ сынап жатыр.
Айта кетерлігі, финалдық бәсеке 19 наурыз күні өтеді.