Жасөспірімдер арасында ҚР чемпионаты: алматылық таеквондошылар көш бастады

Жарыстың соңғы күнінде алты салмақ дәрежесінде жеңімпаздар есімі белгілі болды: 41 кг, 49 кг, 65 кг – жасөспірім ұлдар, 44 кг, -59 кг, 59 кг – жасөспірім қыздар.

Біріншілік жүлделерін еліміздің барлық өңірінен жиналған 580 спортшы сарапқа салды. Ал командалық есепте қоржынында 45 ұпайы бар Алматы қаласы көш бастады. Алматылықтардың еншісіне 15 медаль бұйырды: 4 алтын, 3 күміс және 8 қола.

40 ұпай еншілеген Жамбыл облысы екінші орынға жайғасты. Әулиеаталық спортшылар 10 медаль алды: 4 алтын, 3 күміс және 3 қола.

Атырау облысы 37 ұпаймен үздік үштікті қорытындылады. Команда 11 жүлдені қанжығаларына байлады: 3 алтын, 4 күміс және 4 қола.

Команда нәтижелері:

4. Қызылорда – 30 ұпай (3 алтын, 1 күміс, 6 қола)

5. Алматы облысы – 20 ұпай (2 алтын, 1 күміс және 3 қола)

6. Қарағанды облысы – 15 ұпай (1 алтын, 2 күміс, 2 қола)

7. Шымкент – 11 ұпай (1 алтын, 4 қола)

8. ШҚО – 10 ұпай (1 алтын, 1 күміс)

9. Ақмола облысы – 7 ұпай (1 алтын)

10. Нұр-Сұлтан – 6 ұпай (1 күміс және 3 қола)

11. Маңғыстау – 6 ұпай (1 күміс, 3 қола)

12. Ақтөбе облысы – 5 ұпай (1 күміс, 2 қола)

13. Павлодар облысы – 4 ұпай (1 күміс, 1 қола)

14. БҚО – 3 ұпай (1 күміс)

15. Түркістан облысы – 1 қола

16. Қостанай облысы – медальсіз.

Айта кетейік, үздік үштікке енгендер ҚР ұлттық құрамасының қатарына шақырылады. Бұл құрам шілдеде Болгария астанасында өтетін әлем чемпионаты мен тамызда Моңғолия астанасында өтетін Азия чемпионатында бақ сынауға мүмкіндік алады.

Жеңімпаздар мен жүлдегерлер тізімі:

41 кг

І орын – Теміржан Тасқын, Қызылорда

ІІ орын – Мақсат Төлегенов, Атырау облысы

ІІІ орын – Арман Сағидулла, Алматы облысы; Нұрали Махмұт, Алматы қаласы

49 кг

І орын – Достан Нажимханов, Шымкент қаласы

ІІ орын – Ернар Алирахман, Алматы қаласы

ІІІ орын – Батыр Құрман, Нұр-Сұлтан қаласы; Ілияс Марупов, Алматы қаласы

65 кг

І орын – Әли Дабысов, Атырау облысы

ІІ орын – Қайсар Нұрберген, Ақтөбе облысы

ІІІ орын – Тимур Тимофеев, Жамбыл облысы; Төрежан Оңлабек, Алматы қаласы

44 кг

І орын – Нұрайым Жұмабек, Жамбыл облысы

ІІ орын – Аружан Құдайбергенова, Нұр-Сұлтан қаласы

ІІІ орын – Азиза Жүрімбет, Алматы қаласы; Бақытнұр Қорған, Маңғыстау

-59 кг

І орын – Жанерке Пернебек, Қызылорда

ІІ орын – Әдемі Қали, БҚО

ІІІ орын – София Чилманова, Нұр-Сұлтан қаласы; Эмилия Осепян, Алматы облысы

59 кг

І орын – Ольга Власюк, Қарағанды облысы.

ІІ орын – Сабина Туртулова, Павлодар облысы.

ІІІ орын – Айханым Фазылбек, Қызылорда; Аделина Байдәулетова, Алматы қаласы.