Жас шахматшылар 2 миллион теңге жүлдені сарапқа салмақ
30 сәуір мен 1 мамыр аралығында Алматы мен Нұр-Сұлтан қалаларында жылдам шахматтан ауқымды турнир ұйымдастырылады.
Бұл жарыс республикалық физика-математика мектебінің 50 жылдық мерейтой құрметіне өткізілмек.
«Жас таланттарды қолдау және салауатты өмір салтын насихаттау мақсатында шахматтан еліміздің екі қаласында жарыс ұйымдастырғалы отырмыз. Песпубликалық физика-математика мектебінің 50 жылдығына арналған кубоктың ұйымдастырушылары — Fizmat Endowment Fund қоры мен Қазақстан шахмат федерациясы. Өскелең ұрпаққа барынша қолдау көрсетіліп жатқаны қуантады. Ұйымдастырушылар жүлде қоры 2 миллион теңге екенін жариялады. Сонымен қатар, РФММ білім беру үшін 4 білім грантын бөледі. Білімге инвестиция салу жастар үшін ең жақсы сыйлық деп білемін.Осындай іс-шаралар оқушыларымызды жаңа жеңістерге итермелеп, таланттарын аша түседі деп сенемін. Баршаңызға сәттілік тілеймін», — деді белгілі меценат, «Жас қыран» футбол жобасының негізін салушылардың бірі Берік Қаниев.
