Бокс
Асланбек Шымбергенов финалда жеңіліп қалды
Бокстан Қазақстан құрамасының капитаны Асланбек Шымбергенов Тайландтағы турнирдің финалында жеңіліс тапты.
Ол Пхукетте өтіп жатқан Thailand Open турнирінің финалында жергілкті боксшы Бунджонг Синсиримен кездескен. 69 келіге дейін салмақ держесінде жекпе-жекте тай боксшысының бағы жанды.
Төрешілер бірінші раундта жеңісті Шымбергеновке берген. Екінші кезеңде Шымбергенов нокдаун алып қалды. Сөйтіп, бұл жолы басымдық қарсыласқа бұрылды. Үшінші раундта тағы да жарыс қожайыны басымдық танытты.
Осылайша, Асланбек Шымбергенов күмісті қанағат тұтты.
