Бокс
Головкин әлемдік рейтингте Альваресті басып озды
Қазақстандық Геннадий Головкин (42-1-1, 37 КО) салмақ дәрежесіне қарамастан жасалатын BoxRec сайтының рейтингінде бірінші орынға шықты.
Головкинге 698.6 ұпай тиесілі, деп хабарлайды qazaqsporty.kz. Екінші орында — мексикалық Сауль «Канело» Альварес (57-1-2, 39 КО), оның еншісінде 687.4 ұпай бар. Үздік үштікке американдық Теренс Кроуфорд енген (38-0, 29 КО) — 524.0 ұпай.
Естеріңізге сала кетсек, жапон Риота Муратаны техникалық нокаутпен жеңген Головкин орта салмақта WBA Super, IBF и IBO нұсқалары бойынша чемпиондық атақтарды иеленді.
