Шетел жаңалықтары
“Манчестер Юнайтед” ойыншысы жол апатына ұшырады
“Манчестер Юнайтедтің” жартылай қорғаушысы Бруну Фернандеш жол апатына ұшырады, деп хабарлайды Manchester Evening News.
Мәліметтерге қарағанда, Португалия жұлдызы жол апатына өзінің «Порше» көлігімен келе жатып ұшыраған. Апат салдарынан ешкім зардап шеккен жоқ.
Бұл оқиға Фернандештің “Манчестер Юнайтедте” толыққанды жаттығуын жалғастыруына кедергі болмайды.
Естеріңізге сала кетейік, Фернандеш «Манчестер Юнайтедте» 2020 жылдан бері ойнап келеді, ағылшын клубы оны «Спортингтен» 63 миллион еуроға сатып алған. Ойыншының клубпен келісімшарты 2026 жылдың жазында аяқталады. Transfermarkt интернет-порталының хабарлауынша, футболшының нарықтық құны 90 миллион еуроны құрайды.
