Жапон балуаны қазақстандық қарсыласын финалда оңай жеңді

Моңғолия астанасы Ұлан-Баторда күрес түрлерінен өтіп жатқан Азия чемпионатының финалдық кезеңі басталды.

55 келі салмақ дәрежесінде финалда қазақстандық балуан Аманғали Бекболатов жапониялық Ю Шиотанимен белдесті. Екеуара кездесу 13:2 есебімен жапониялық балуанның еншісіне шешілді.

Осылайша, Аманғали Бекболатов Азия чемпионатының күміс жүлдегері атанып, аталған құрлықтвқ біріншілікте ел қоржынына бірінші медальді салды.