Бокс
Жәнібек Әлімханұлы Дигнумнан кейін кіммен жұдырықтасқысы келетінін айтты
Орта салмақта жеңіліс таппаған қазақстандық боксшы Жәнібек Әлімханұлы британдық Дэнни Дигнумнан кейін өзінің келесі қарсыласы ретінде кімді көргісі келетінін айтты.
Әлімханұлы мен Дигнум 21 мамырда Лас-Вегаста WBO-ның «уақытша» әлем чемпионы атағын сарапқа салады. Осыдан соң қазақстандық рингте WBC нұсқасы бойынша чемпиондық белбеу иегері америкалық Джермалл Чарломен өзара кім мықтыны анықтауды көздейтінін айтады.
— Осы жекпе-жектен кейін мен Чарломен жұдырықтасқым келеді. Мен барлық атақты алғым келеді, — деді Жәнібек.
