Дэвис кубогы: Қазақстан құрамасының жарыс кестесі анықталды
Қазақстан D тобында 13-18 қыркүйек аралығында Глазгода (Британия) ойнайды.
13 қыркүйекте құрамамыз Нидерландпен кездеседі. Матч елорда уақытымен 21:00-де басталса, екінші кездесу 15 қыркүйекте АҚШ құрамасымен болмақ. Басталу уақыты – 21:00. Қорытынды ойын 18 қыркүйекте Ұлыбританиямен өтеді: басталу уақыты – 19:00.
Дэвис кубогының топтық кезеңі әртүрлі төрт қала өтіп, плей-офф кезеңі Испанияның Малагасында ұйымдастырылмақ. Төрт топтан плей-оффқа үздік екі команда шығады. Жеңімпаз 23-27 қараша аралығында анықталады.
Өзге топтардың ойындары Болонья (Италия), Валенсия (Испания) және Гамбургте (Германия) өтеді.
Болоньяда өтетін А тобында Италия, Хорватия, Аргентина және Швеция өзара кім мықтыны анықтаса, Валенсиядағы В тобында Испания, Канада, Сербия мен Оңтүстік Корея ойнайды. Гамбургтегі С тобында Германия, Франция, Бельгия мен Австралия бар.
Естеріңізге сала кетейік, іріктеу кезеңінде Қазақстан құрамасы Норвегиядан басым түскен.
