Министр кубогының иегері анықталады
Нұр-Сұлтан қаласындағы Ж.Үшкемпіроватындағы жекпе-жек сарайында алғаш рет ұйымдастырылған ҚР Мәдениет және спорт министрі кубогының жартылай финалы мен финалы өтіп жатыр.
Топтық кезеңде дес бермеген А тобының жеңімпазы мен С тобының үздігі, ал В тобының мықтысы мен D тобының жеңімпазы финалға берілер жолдама үшін таласпақ. Олар:
1-жұпта: К.Ахметов атындағы олимпиада резервінің республикалық мамандандырылған мектеп-интернат-колледжі (Алматы) – Жалаңтөс Баһадүр атындағы олимпиада резервінің республикалық мамандандырылған мектеп-интернат-колледжі (Қызылорда обл);
2-жұпта: Қ.Мұңайтпасұлы атындағы олимпиада резервінің республикалық мамандандырылған мектеп-интернат-колледжі (Нұр-Сұлтан) – Ә.Молдағұлова атындағы спорт интернаты (Қарағанды обл);
Айта кетейік, ҚР Мәдениет және спорт министрінің кубогы биыл алғаш рет өтіп жатыр. Министр кубогының жалпы жүлде қоры — 10 миллион теңге. 1-орын алған командаға — 5 млн, 2-орынға – 3 млн, 3 орынға – 2 млн. теңге беріледі.
Бұдан бөлек, төрешілер бокстан – «Үздік техникасы үшін», еркін күрестен – «Жеңіске деген ерік-жігері үшін», дзюдодан – «Үздік әдіс үшін», грек-рим күресінен – «Көрермендердің көзайымы үшін» номинацисында жеңімпазды анықтайды.
Балалар жылы аясында ұйымдастырылып жатқан кешенді бәсеке балалар мен жасөспірімдер арасында спортты насихаттауға бағытталған. Министр кубогының бүгінгі қатысушылары – ертеңгі ел спортының болашағы.
22-23 мамыр – жартылай финал жекпе-жектері (Уақыты 10:00 – 16.00).
24 мамыр – 3-орын иегері мен жеңімпаз анықталады (Уақыты 15.00 – 16.30). Марапаттау қарсаңында көрермендер арасында викторина ойнатылып, дұрыс жауабын тапқандарға жүлде беріледі.
Жарыстың ресми ашылуы мен марапаттауына қатысатын құрметті қонақтар: ҚР премьер-министрінің орынбасары Ералы Тоғжанов, ҚР Мәдениет және спорт министрі Дәурен Абаев.
Сонымен қатар құрметті қонақтар қатарындағы бокстан Сидней Олимпиадасының чемпионы Ермахан Ыбрайымов, дзюдодан Бейжің Олимпиадасының күміс жүлдегері Асхат Жіткеев, еркін күрестен әлем және Азия чемпионатының күміс жүлдегері Нұрлан Бекжанов, грек-рим күресінен әлем чемпионатынң 5 дүркін жүлдегері, Азия чемпионы Алмат Кебіспаев жеңімпаз бен жүлдегерлерді марапаттайды.
БАҚ өкілдерін тіркелу үшін мына телефонға хабарласуын сұраймыз: 8 702 838 4466 – Аян Төлеген, 8 775 828 0967 – Шамкен Байырбек
