Қазақстандық жас теннисші Ролан Гаррос турнирін сәтті бастады

Аружан іріктеу сайыстарының жартылай финалында франциялық Офалья Буллаймен кездесті, деп хабарлайды ҚТФ баспасөз қызметі. Екі сағатқа созылған тартысты матчта қазақстандық теннисші 6:4, 5:7, 10:6 есебімен жеңіске жетті. Аружан іріктеу сайыстарының финалында жапониялық Хая Киноситамен шеберлік байқасады. Іріктеу сайыстарының 6-ракеткасын жеңсе, негізгі жарысқа жолдама алады.

Тағы бір жас қазақстандық Максим Батютенко жергілікті ойыншы Томас Фурельге жол берді – 6:4, 4:6, 7:10.