Басты
Теннистен Қазақстанның әйелдер құрамасы әлемдік рейтингте үздік ондыққа кірді
Билли Джин Кинг кубогының жаңартылған рейтингінде ел құрамасы 16-дан бірден 9-орынға көтерілді.

Теннистен Қазақстан әйелдер құрамасы әлемдік рейтингіде алғаш рет үздік ондыққа кірді, деп хабарлайды ҚТФ баспасөз қызметі.
Билли Джин Кинг кубогының жаңартылған рейтингінде ел құрамасы 16-дан бірден 9-орынға көтерілді. Қазақстан ұлттық құрамасы Ресей, Германия, Италия, Румыния, Бельгия, Польша секілді командаларды артқа қалдырды.
Қазақстандық қыздар биылғы сәуірде елордада Германия теннисшілерін 3:1 есебімен тізе бүктіріп, командалық әлем чемпионатының финалдық кезеңіне жолдама алған болатын.
Әлемдік рейтингтегі алғашқы он команда:
1.Австралия — 1002,71 ұпай;
2,Франция — 885,6;
3.Испания — 884,62;
4.Чехия — 842,92;
5.Швейцария — 881,81;
6.Канада — 780,09;
7.АҚШ — 758,09;
8.Словакия — 744,23;
9.Қазақстан — 704,75;
10.Германия — 702,52.