Басқа спорт түрлері
Қазақстандық альпинист Брайтхорн шыңын бағындырды
Ең үлкен әйелдер командасының әлемдік рекордын орнатуға 25 елден 80 әйел қатысты.
17 маусымда Швейцариядағы Зерматт биік таулы курортының жанында «100% Women World Record» әлемдік әйелдер командасы Брайтхорн шыңына көтерілді, деп хабарлайды drs_kz.
Ең үлкен әйелдер командасының әлемдік рекордын орнатуға 25 елден 80 әйел қатысты. Таудың биіктігі — 4164 метр.
Еліміздің атынан елші ретінде қатысқан Ада Молгачева аталмыш команданың құрамында шыңға көтерілген алғашқы қазақстандық әйел альпинист атанды.
Алматы альпинизм федерациясы президиумының мүшесі, қалалық альпинизм мектебінің аға әдіскер-нұсқаушысы Ада Молгачева осы іс-шараның 11 амбассадорының бірі болды.
