Елімізде тағы бір әлем чемпионы шығуы мүмкін

Бірінші жартылай орта салмақтағы қазақстандық боксшы Жанқош Тұраров (25-0, 18 КО) IBO чемпиондық атағы үшін айқасқа шығуы мүмкін.

Бұған дейін ол 11 желтоқсанда Алматыда венесуэлалық Энрике Луисрен жекпе-жек өткізетіні хабарланған. Боксшылар IBO Intercontinental белбеуін сарапқа салады.

Дереккөздің хабарлауынша, егер бәрі сәтті өтсе, Жанқош наурыз айында мексикалық Алехандро Менесесамен кездесуі мүмкін.

Айта кетейік, Тұраров өзінің жекпе-жегін DAZN көрсететінін хабарлаған.

Соңғы рет Тұраров өткен жылдың желтоқсан айында Астанада рингке шығып, 45 секундта мысырлық Абдумонем Саидті жеңді.