Денис Никиша шорт-тректен Әлем кубогы кезеңінде екінші орын алды

Қазақстандық Денис Никиша шорт-тректен Әлем кубогы кезеңінде күміс медаль жеңіп алды.

Алматыда өтіп жатқан аламанда Никиша 500 метр қашықтықта екінші орыннан көрінді. Оның нәтижесі – 40.998. Оңтүстік Кореядан келген Тай Сун Ким алтынды жеңіп алды (40.898). Оңтүстік Кореяның тағы бір өкілі Чана Сануға үшінші орын бұйырды (41.392).

Естеріңізге сала кетейік, Никиша Бейжіңдегі Олимпиадада Қазақстанның намысын қорғаған.