Шын аты – Эдсон Арантис ду Насименту, әлем оны мектептегі Пеле лақап атымен атайды.
Пеле – үш мәрте әлем чемпионы атанған жалғыз футболшы.
Пелені көпшілік мықты шабуылшы деп таниды. Бірақ ол төрт рет «Сантостың» және бір рет Бразилияның қақпасын қорғап, бір де бір гол өткізбеген.
Пеле — әлем чемпионатында хет-трик жасаған ең жас футболшы (17 жас 244 күн).
Футбол королі футбол мансабында екі клубта ғана өнер көрсеткен. 1956-1974 жылдар аралығында Бразилияның «Сантосында» ойнаса, 1975-1977 жылдары «Нью-Йорк Космос» клубында доп тепкен.
Өз карьерасында Пеле капитан болудан үзілді-кесілді бас тартқан. Капитандыққа тек бір рет, өзінің 50 жылдығына арналған әлем құрамасына қарсы ойында келіскен.
TIME журналы оны XX ғасырдағы ең атақты 100 адамның қатарына енгізген.
Президенттіктен үмітті болғанымен, бұл жоспар жүзеге аспады. Есесіне 1995-1998 жылдары Бразилияның спорт министрі болды.
Пеле 11 мәрте киноға түскен.
