Бокс
Мейірім Нұрсұлтанов қарсыласын нокаутпен жеңді
Орта салмақта өнер көрсететін қазақстандық боксшы Мейірім Нұрсұлтанов жапониялық Кадзуто Такесаконы нокаутқа түсірді.
Жекпе-жек Инчхонда (Оңтүстік Корея) өткен бокс кешінің басты кездесуі болды. Орта салмақтағы жекпе-жек сегізінші раундта аяқталды.
Нұрсұлтанов кәсіпқой бокста 19 жекпе-жек өткізіп, бәрінде жеңіске жетті, оның 11-і мерзімінен бұрын аяқталды. Жапон боксшысы 15 жеңіс пен 1 тең нәтижеден кейін мансабындағы алғашқы жеңілісіне ұшырады.
