УЕФА рейтингі: футзалдан Қазақстан құрамасы өз орнын сақтап қалды

Рикарду Кака шәкірттері әлемдік рейтингте төртінші орынды сақтап қалған. Құрамамыздың еншісінде 2367,187 ұпай бар, деп хабарлайды «Қазақ спорты».

EURO-2022-де В тобында бақ сынаған Қазақстан құрамасы Финляндия, Словения және Италия құрамаларын артқа тастап, турнирде көш бастаған болатын.

Ширек финалда жерлестеріміз Украинаға 2:4 есебімен жол беріп, жарысты аяқтады.

Жаңартылған рейтингте топ басында қазіргі Еуропа чемпионы Португалия тұр.

Екінші орынға турнирдің күміс жүлдегері Ресей, үшінші орынға EURO-2022 қола жүлдегері Испания жайғасқан.

Футзалдан УЕФА-ның жаңартылған рейтингі:

1. Португалия – 2693,758
2. Ресей – 2547,159
3. Испания – 2488,909
4. Қазақстан – 2367,187
5. Хорватия – 2051,042
6. Сербия – 2050,143
7. Әзербайжан – 2015,589
8. Украина – 2009,816
9. Италия – 1934,516
10. Чехия – 1887,535.