Футбол
«Астана» Украинаның аутсайдер командасын жеңді
Елорданың "Астана" клубы Түркияда өтіп жатқан оқу-жаттығу жиындарында украиналық "Мариуполь" командасынан басым түсті, деп хабарлайды Qazaqsporty.kz тілшісі.
«Астана» сапынан алғашқы минуттардан — Заруцкий, Оганесян, Бескоровайный, Кусяпов, Брайан Сильва, Сағынаев, Қуат, Перцух, Томасов, Педро Эухенио, Айымбетов шықты. Ойын бастала салысымен 2-минутта Педро Эуженио мергендік танытты. Ал үзіліске шығатын тұста Кулаков пенальтиден таразы басын теңестірді.
Екінші таймның басында Украина команда тіпті алға шыққан. Бірақ Срджан Благоевич шәкірттері табандылық танытып, таразы басын өздеріне аудара алды. Қорытынды есеп -3:2.
Мариуполь (Украина) — «Астана» (Қазақстан) — 2:3
Голдар: Эуженио, 2 (0:1). Кулаков, 39-пенальтиден (1:1). Хромей, 49 (2:1). Ховханнисян, 57 (2:2). Қуат, 71 (2:3).
