Футбол
«Қайрат» Киевтің «Динамосынан» ойсырай жеңілді
Алматының "Қайраты" Түркияда өтіп жатқан оқу-жаттығу жиындарында Киевтің "Динамо" клубымен кездесіп, ірі есеппен ұтылды, деп хабарлайды Qazaqsporty.kz тілшісі.
Одақ тұсында бұл екі команда арасындағы кездесу қызыққа толы болатын. Алматыға Киевтің командасы келгенде стадион лық толатын. Бұл енді өткен шақ. Ал Түркиядағы оқу-жаттығу жиындарында әзірге «Қайраттың ойыны өз үйлесімін таппай жатыр. Осымен үшінші ойын жеңілді. Бұған дейін Боснияның «Борац», Өзбекстанның «Навбахор» командасына есе жіберген.
«Қайрат» – «Динамо» (Киев, Украина) – 0:4
Голдар: Дамир Қасаболат 7 (автогол), Александр Сирота 63, Виктор Цыганков 73, Владислав Кулач 85.
«Қайрат»: Данил Устименко, Дамир Қасаболат, Маки Баньяк, Арсен Буранчиев, Сұлтанбек Астанов, Яцек Гуральский (К), Антон Крачковский, Гүлжігіт Әліқұлов, Еркебұлан Сейдахмет – Данияр Үсенов, Вячеслав Швырев
Енді «Қайрат» 18 ақпанда «Сочимен» кездеседі.
