Қазақстан футбол федерациясының өкілдері ФИФА конгресіне қатысты
Руанда астанасы Кигали қаласында 73-Халықаралық футбол қауымдастықтарының (ФИФА) конгресі өтті.
Оған Қазақстан футбол федерациясының президенті Әділет Барменқұлов, бас хатшысы Олжас Абраев пен халықаралық департамент директоры Аян Әлжанов қатысты.
Конгрестің күн тәртібінде былтырғы жыл қорытындысы мен қаржылық есебі қабылданып, 2024 жылдың бюджеті бекітіліп, 2023-2025 жылдарға аудиторлар тағайындалды.
Қазақстандық делегация конгресте өзге ұлттық қауымдастықтармен ынтымақтастықты әрі қарай нығайту бойынша бірқатар маңызды кездесулер өткізді.
Конгресте Джанни Инфантино 2027 жылға дейін ФИФА-ның президенті болып қайта сайланды.
ҚФФ президенті Әділет Барменқұлов Джанни Инфантиноны жаңа мерзімге қайта сайлануымен құттықтап, әлемде футболды дамыту жолында табыс тіледі.
Келесі ФИФА конгресі 2024 жылдың 17 мамырына жоспарланған. Оның қай жерде болатыны кейінірек белгілі болады.
