Елена Рыбакина БАӘ-де өтіп жатқан турнирдің үшінші айналымына шықты

Екінші кезеңде ол әлемнің 62-ші ракеткасы, жапониялық Моюка Учижимаға қарсы ойнап, 6:3, 6:2 есебімен сенімді жеңіске жетті.

Кездесу 1 сағат 14 минутқа созылды. Рыбакина алты эйс жасап, екі қос қате жіберді және төрт брейк-пойнттың үшеуін пайдаланды.

Енді Елена әлемнің оныншы ракеткасы испаниялық Паула Бадосамен кездеседі.