Садақ атудан ерлер құрамасы Азия кубогында топ жарды

Тайландтың Пхукет қаласында садақ атудан Азия кубогі өтіп жатыр. Аталған жарыста ерлер арасында командалық сын бойынша қазақстандық спортшылар қарсылас шақ келтірген жоқ. Финалда олар Үндістан құрамасын айқын басымдықпен жеңді.

Айта кетерлігі, құрлықтық додада командалық жарыста ел құрама сапынан Санжар Мұсаев, Ильфат Абділлин және Дәулеткелді Жаңбырбай қатысты.