Александр Бублик Ньюпорт турнирінің финалында жеңілді

Қазақстандық теннисші осыған дейін бес рет ATP додаларының финалында ойнап, тек соның біреуінде ғана, биыл Монпельеде чемпион атанған еді. Бұл жолы финалда әлемнің 41-ракеткасы, америкалық Максим Крессимен бас жүлдені сарапқа салды. Бірінші партия барысында қос брейк жасаған қазақстандық теннисші басымдық көрсетті – 6:2.

Екінші сетте де 3:0 есебімен алға кеткенімен, қатарынан алты геймді беріп қойды – 3:6. Үшінші, шешуші партияда матч тағдыры тай-брейкте шешіліп, американдық жеңіске жетті – 7:6 (7:3).