Мария топ жарды!

Кеше Мажарстанның Сегед қаласында өтіп жатқан әлем чемпионатында 1000 метр қашықтықта батысқазақстандық Мария Бровкова Қазақстан тарихында каноэдан 18 жасқа дейінгі қыздар арасында тұңғыш әлем чемпионы атанды.
Батыс Қазақстан облысының дене шынықтыру және спорт басқармасының басшысы Қаймен Есендияровтың айтуынша, ол Марияның анасы әрі жеке бапкері Елена Бровковаға телефон соғып, қызының жетістігі үшін арнайы құттықтап және бүгін қатысатын 500 метр және 5000 метр қашықтықтардағы сайысына сәттілік тілеген.