«Қайрат» футзалшылары Қазақстан кубогында елордалықтарды жеңді

А тобында өнер көрсетіп жатқан алматылықтар «Астанамен» кездесіп, 6:4 есебімен жеңіске жетті.

Мұның алдында «Қайрат» турнир аясында Ақтауда жергілікті «Каспийді» 9:0, «Рахмет» клубын 6:1 есебімен тас-талқан еткен. Кака командасы жартылай финалға мерзімінен бұрын шықты.

Осы трофейдің қазіргі иелері де осы алматылықтар.

B тобында «Ақтөбе», «Атырау», «Аят» және «Бәйтерек» клубтары бар. Екі квартеттің матчтары да Ақтауда өтіп жатыр. Турнир бүгін, 10 маусымда, аяқталады.

Әр топтан екі үздік клуб Кубоктың финалдық бөлігіне шығады.