Головкин мен «Канело» көз арбасты

Қазақстандық боксшы Геннадий Головкин мен мексикалық Сауль Альварес араға төрт жыл салып Лас-Вегаста (АҚШ, Невада штаты) көзбе-көз кездесті.

Олар MGM Grand ойын-сауық кешеніндегі арнайы іс-шараға қатысты.

Головкин мен Альварес арасындағы үшінші жекпе-жек осы жексенбі, 18 қыркүйек күні, T-Mobile Arena-да өтеді. Бұған дейінгі екі айқас та осы аренада өткен. Алғашқа кездесу тең аяқталса, екіншісінде төрешілер жеңісті Альвареске берген болатын.