Рыбакина Словениядағы турнирдің финалына шықты

Жарыстың үшінші ракеткасы болып тіркелген қазақстандық теннисші жартылай финалда дүниежүзілік рейтингіде 65-орында тұрған румыниялық Ана Богданмен кездесті.

Рыбакина қарсыласын айқын басымдықпен ұтты – 6:1, 6:1.

Бір сағаттан астам уақытқа созылған бәсеке барысында Елена 5 эйс жасап, 11 брейк-пойнттың бесеуін пайдаланды.

Қазақстандық теннисші финалда әлемнің 82-ракеткасы, чехиялық Катержина Синяковамен бас жүлдені сарапқа салады.