Басқа спорт түрлері
Әлем чемпионаты: армрестлингшілерімізге 43 медаль бұйырды
Армрестлингтен әлем чемпионатында Қазақстан құрамасы 43 медаль жеңіп алды.
Түркияның Анталья қаласында армрестлингтен ересектер, кадеттер, жасөспірімдер, жастар мен ардагерлер арасында әлем чемпионаты өтіп жатыр.
Жарыстың алғашқы күні жастар, жасөспірімдер мен кадеттер арасында ел құрамасы сол қолмен 20 алтын, 22 күміс, 1 қола жүлдеге қол жеткізді.
Айта кетейік, 54 мемлекеттен 1700 спортшы қатысқан байрақты бәсекеде ел намысын 200 спортшы қорғауда.
