«Ақжайық» Қазақстан кубогының финалына өтті

Оралдың «Ақжайығы» өз алаңында «Тараз» командасымен кездескен.Матч барысында алаң иелері жинақылық көрсетті. Нәтижесінде бірінші кезеңде қарсылас қақпасына жауапсыз үш гол соғып үлгерді.

Ойынның 19-минутында оралдық командадан Тома Табатадзе есеп ашса, Петрос Аветисян 38, Сабино Дос Сантос Рафаэль 45-минутта есепті үстемеледі.

Екінші кезеңде тараздық команда гол соғу мүмкіндігін іздеді. Тараздық Марат Шахметов 75-минутта «Ақжайық» қақпасының торын тулатса, одан кейін оралдық клубтан Артур Газданов 78, Оралхан Оміртаев 82-минутта мергендік танытты.

Ал тараздық клубтан Дәурен Жұмат 87, Мақсат Әмірханов 88-минутта гол соғып, есеп айырмасын қысқартты.

Осылайша «Ақжайық» қарсыласын 5:3 есебімен басым түсіп, финалға жолдама алды.