Мбаппе қандай жағдайда «Реалға» ауысуы мүмкін

Мадридтің «Реал» клубы Франция құрамасының жұлдызы Килиан Мбаппені ПСЖ-дан сатып алуға дайын, деп хабарлайды Defensa Central.

Испания клубының президенті Флорентино Перес бұл трансферді қарастырып жатқанға ұқсайды, бірақ ол клубтың маркетингтік және жарнамалық операцияларының ережелері мен қолданыстағы жалақы деңгейін сақтау қажет екенін атап өтті.

Яғни бұл ­­Мбаппе «Реал Мадридте» Париж клубындағыдай жалақы ала алмайды деген сөз. Соған қарағанда, француздың «корольдік» клубқа ауысуы да екіталай.

Естеріңізге сала кетейік, Мбаппенің өткен жазда ­– еркін агент болған кезде «Реалға» ауысуы мүмкін екендігі хабарланған. Бірақ содан кейін ол ПСЖ-мен келісімді тағы үш маусымға ұзартты.