Алан Құрманғалиев тарихта тұңғыш рет әлем чемпионатында топ жарды

Тунисте үстел теннисінен жасөспірімдер арасында өткен әлем чемпионатында қазақстандық Алан Құрманғалиев аралас сында мысырлық Хана Годамен бірге жеңімпаз атанды.

Қазақстан үстел теннисі федерациясынан мәлім еткеніндей, қазақстандық-мысырлық жұп финалда португалиялық Тьяго Абиодана – испаниялық Мария Берзосадан басым түсті. Бұл еліміздің үстел теннисі тарихында әлем чемпионатындағы алғашқы алтын.