Ресей мен Беларусь Олимпиада ойындарын көрсету құқығынан айырылды
Халықаралық Олимпиада комитеті алдағы онжылдықта Ресей мен Беларусьті Олимпиада ойындарының хабар таратушылары тізімінен шығарды.
Халықаралық Олимпиада комитеті (ХОК) 2026-2032 жылдары еуропалық аймақтағы ойындарды таратудың барлық құқықтарын Еуропалық хабар тарату одағына (EBU) және Warner Bros. Discovery (WBD) компаниясына берді.
Алайда Ресей мен Беларусь олимпиада ойындары көрсетілетін елдер тізіміне енбеді.
EBU мен WBD Милан мен Кортине-д’Ампеццодағы (2026) қысқы ойындарды, Лос-Анджелестегі жазғы ойындарды (2028), астанасы әлі таңдалмаған 2030 жылғы Олимпиаданы және австралиялық Брисбен олимпиадасын (2032) көрсету құқығын алды. Құқықтар сонымен қатар аталған кезеңдегі барлық жасөспірімдер олимпиадасының хабарларын қамтиды.
EBU Олимпиада ойындарын 2026-2032 жылдары 49 елде, соның ішінде Украина, Молдова, Латвия, Литва, Эстония, Грузия, Армения мен Әзербайжанда көрсетеді.
Ресейліктер аталған кезеңде Олимпиада ойындарының ресми көрсетілімдерін көрмейді, өйткені ВГТРК, Бірінші арна мен «Останкино» радиосы өткен жылдың ақпан айында Ресей «Евровидениеге» қатысудан шеттетілгеннен кейін Еуропалық хабар тарату Одағынан шықты.
