Волейболдан Қазақстан құрамасы Орталық Азия ұлттар лигасына қатысады

18-25 маусымда Қырғызстанда Орталық Азия волейбол қауымдастығының (CAVA) Ұлттар лигасы турнирі өтеді

Турнирге жеті команда қатысады.

19 сәуірде жеребе тарту рәсімі өтті, командалар мынадай нөмірмен өнер көрсетеді:

1. Қырғызстан, 2. Непал, 3. Пәкістан, 4. Өзбекстан, 5. Қазақстан, 6. Иран, 7. Түрікменстан.

Командалар алдымен айналмалы жүйе бойынша өзара кім мықтыны анықтайды (бір матчтан). Осы кезеңде алғашқы екі орынды иеленген командалар финалдық кездесуде жеңімпазды анықтайды. Үшінші және төртінші орын алған командалар қола жүлдеге таласады.