ҚХЛ клубының директоры есірткімен ұсталды

Челябіде «Трактор» хоккей клубының спорттық даму жөніндегі директоры Александр Шинин ұсталды.

Тексеріс кезінде одан бірнеше грам мефедрон табылды. Көп ұзамай-ақ «Трактор» Шининнің қызметінен босатылғанын мәлімдеді.

Бүгін Александр Шининге қатысты жағдай белгілі болды. Тергеу жұмыстары жүріп жатыр. Оның нәтижесі ресми түрде хабарланады. «Трактор» маманмен серіктестікті тоқтату туралы шешім қабылдады, – делінген клубтың ресми парақшасында.

Шинин спорттық карьерасын 2019 жылы аяқтаған. 2020 жылғы мамырда ол «Тракторға» директор болып тағайындалды.