Аралас жекпе-жек
Асу Алмабаев октагонға қашан оралатыны анықталды
Dar Pro Team аралас жекпе-жек командасының бапкері Азиз Разыев өзінің шәкірті Асу Алмабаев жыл соңына дейін UFC-де екінші жекпе-жегін өткізуі мүмкін екенін мәлімдеді
Асу бізді тағы бір турнирге бастап баруға дайын, оның қалыпқа келуіне қарап көреміз. Қытайда айқас өткізуге мүмкіндік берсе, тамаша болар еді, — деді бапкер «Вестник ММА» парақшасына берген сұхбатында.
Қытайдағы UFC турнирі 9 желтоқсанға жоспарланған.
Лигадағы өзінің алғашқы жекпе-жегін Асу Алмабаев биыл тамызда Нэшвиллде өткізіп, АҚШ-та тұратын ямайкалық Оде Осборнды қылқындыру әдісімен жеңген болатын. Осыдан соң қазақстандық файтердің жарақат алғаны белгілі болды.
