Теннис
Елена Рыбакина WTA чемпиондық кестесінде екінші орынға көтерілді
Жаңартылған чемпиондық кестесінде белорус Арина Соболенко көш бастап тұр.
![](https://qazaqsporty.kz/wp-content/uploads/2024/02/nqqpyknugyxcmxg4wjuvzvlb9p8p6slxmat65kez-780x470.jpg)
Қазақстанның бірінші ракеткасы Елена Рыбакина Доха жарысының финалисі атанғаннан кейін WTA чемпиондық кестесіндегі жағдайын жақсартты.
Жаңартылған чемпиондық кестесінде белорус Арина Соболенко 2325 ұпаймен көш бастаса, қазақстандық теннисші (1828 ұпай) 4-тен екінші орынға көтерілді.
WTA-ның бүгін жаңартылған рейтингінде алғашқы төрттікте өзгеріс бола қойған жоқ: Ига Швентек, Арина Соболенко, америкалық Кори Гауфф және Елена Рыбакина алда келеді.
Тағы бір қазақстандық Юлия Путинцева 76-дан 77-ге, Жібек Құламбаева 489-дан 491-ге, Гөзал Айнитдинова 745-тен 751-ге сырғыды, Аружан Сағандықова 796 орынға көтерілді.