Бүгін Тәжікстан астанасы Душанбеде шосседегі велоспорттан Азия чемпионаты басталды. ҚР ҰОК мәліметінше, Қазақстан құрама командасы командалық жарыста топ жарып, құрлық біріншілігінің алтын медаліне ие болды.
Командалық жарыста құрама сапынан Евгений Федоров, Игорь Чжан, Юрий Натаров және Евгений Гидич сынға түсті. Велошабандоздар 24 км қашықтықты 26 минут 48.933 секундта бағындырды.
Жарыс қорытындысы бойынша Моңғолия құрамасы екінші болса, Иран құрамасы үздік үштікті түйіндеді.
