Басты
Төлтаевты жеңген Мусинов күмісті қанағат тұтты
Қазақстандық боксшы Сұлтан Мусинов Тайландта өтіп жатқан Thailand Open халықаралық турнирінің күміс жүлдегері атанды.
Ол 63 келіге дейін салмақта өнер көрсеткен. Шешуші кезеңде отандасымыз жергілікті боксшы Сомчай Вонгсуванға есе жіберді. Үш раундта да төрешілер тай боксшының жеңісін мойындады.
Айта кетерлігі, Мусинов жартылай финалда тағы бір қазақстандық Санатәлі Төлтаевтан басым түскен болатын.
Бұған дейін 57 келіде салмақта өнер көрсеткен Серік Теміржановтың алтын алғанын жазғанбыз.
