Шетел жаңалықтары
Британдық боксшы жол апатынан көз жұмды
Британдық жас боксшы Али Тазим 18 жасында жол апатынан қайтыс болды.
Бұл туралы The Mirror-ге сілтеме жасай отырып qazaqsporty.kz хабарлайды.
Тазим өткен айда Probellum промоутерімен кәсіби келісімшарт жасасқан.
Жол апаты Бирмингемде болды. Жол қиылысында жеңіл көлік пен автобус соқтығысып, салдарынан былғары қолғап шебері көз жұмды. Тағы үш жолаушы ауыр жарақатпен ауруханаға жеткізілді.
“Бүгін таңертең Али Тазим 18 жасында қайтыс болды деген жаңалықтан ояндым. Мен оған сене алмаймын. Біз кеше ғана оның жарқын болашағы туралы әңгімелесіп едік…» — деп жазды боксшының промоутері Сэм Джонс.
Отанында Али Тазимді “болашақ жұлдыз, екінші Амир Хан” деген болжам айтып жүрген еді.
