Шетел жаңалықтары
«Манчестер Сити» – Англия чемпионы: ойын тағдыры 5 минутта шешілді
«Сити» бұл матчта таңғажайып ойын көрсетті – 0:2 болып тұрған есепті бес минутта 3:2-ге жеткізді.
«Ливерпуль» «Вулверхэмптонды» жеңген, бірақ бұл жеңіс те оларға көмектеспеді. Себебі «қалалықтар» 93 ұпаймен «Ливерпульдің» (92 ұпай) алдын орап кетті, деп хабарлайды qazaqsporty.kz.
Жалпы чемпиондық атақ тағдыры қорытынды турда шешілді, себебі одан екі клуб – «Манчестер Сити» мен «Ливерпуль» үмітті болатын, екеуінің арасын бір ұпай бөліп тұрды.
Бірақ «қалалықтар» да, «қызылдар» да соңғы турда үш ұпай иеленіп, чемпиондық атақ «Манчестер Ситиге» бұйырды. «Вулверхэмптонды» 3:1 есебімен ұтқан «Ливерпуль» екінші орынды қанағат тұтты.
«МСити» Англия чемпионатында осымен сегізінші рет топ жарып отыр. Бұл жөнінен «Манчестер Юнайтед» рекордшы саналады – 20 рет.
